Мирных воителей, Правды блюстителей Боже, храни! Боже, храни! Жизнь их примерную Нелицемерную, Доблестям верную воспомяни!
О, Провидение! Благословение Нам ниспошли! Нам ниспошли! К благу стремление, В счастье смирение, В скорби терпение дай на земли!
Будь нам заступником, Верным сопутником Нас провожай! Нас провожай! Светло-прелестная, Жизнь поднебесная, Сердцу известная, сердцу сияй!
АКАФИСТ
ЦАРЮ И ВЕЛИКОМУЧЕНИКУ НИКОЛАЮ
Кондак 1
Избранный от рождения страстотерпче и Христовой любве воплощение, воспеваем ти похвальная, яко паче всего Отечество свое возлюбившему; ты же, яко имеяй дерзновение ко Господу, просвети омраченные умы и сердца наша, да зовем ти: Радуйся, Николае, боговенчанный Царю и великий страстотерпче!
Икос 1
Ангелов Творец посла тя Земли Российстей, яко ангела незлобива, на вразумление народа твоего, тя бо избра по образу Сына Своего единороднаго в жертву искупления за грехи людския, мы же, дивящеся таковому о тебе помышлению Вседержителя, со умилением вопием ти: Радуйся, Христу уподобление; радуйся, жертво всесожжения. Радуйся, российских царей украшение; адуйся, страны своея утверждение. Радуйся, незлобия и всепрощения образе; радуйся, твердаго исповедания крепосте. Радуйся, обидимых неложное упование; радуйся, веры нерушимое основание. Радуйся, Николае, боговенчанный Царю и великий страстотерпче!
Кондак 2
Видящи Всеблагая Богомати во уделе Своем страну нашу мерзостию растления оскверняемую, избра тя от рождения, яко чистейшаго, Руси во очищение, да вси несумненною надеждою творим песнь: Аллилуиа.
Икос 2
Разум предвечный предустави тя ко спасению в житии твоем, И?ову многострадальному подобно, рождение твое и память праведника сочетавая. Мы же, во страданиих за грехи наша, паче же за отступление от тебе, Помазанника Божия, со трепетом смиренным и сокрушением сердечным вопием ти сице: Радуйся, хулы и напасти от народа твоего претерпевый; радуйся, сострадание к нему до конца имевый. Радуйся, правило веры православныя; радуйся, образе кротости Давидовы. Радуйся, светильниче правды; радуйся, хранителю истины. Радуйся, смиренномудрия учителю; радуйся, терпения Иовлева любителю. Радуйся, Николае, боговенчанный Царю и великий страстотерпче!
Кондак 3
Сила Вышняго осени тя, Помазанниче Божий, лжемудрствующу западу вразумление противоратное соделовавшаго, да мир весь Богу вопиет: Аллилуиа.
Икос 3
Имея тщание о благочестии, ревновал еси, благоверный Царю, храмов созиданию, мощей угодников Божиих прославлению, просвещения христианскаго насаждению и обездоленных от насилия ограждению, сего ради мир православный славит ти сице: Радуйся, святителя Николая соимените; радуйся, преподобнаго Серафима сомолитвениче. Радуйся, православия насадителю; радуйся, света Христова носителю. Радуйся, царствования христианскаго учителю; радуйся, православным странам охранителю. Радуйся, обителей монашествующих покровителю; радуйся, иконопочитания попечителю. Радуйся, Николае, боговенчанный Царю и великий страстотерпче!
Кондак 4
Бури дерзости, злоречия и безумия не убоялся еси, страстотерпче Николае, глаголя: измена, трусость и обман окрест всюду. Злохуления, заточение и умерщвление кротко претерпел еси, Богу Вседержителю вопия: Аллилуиа.
Икос 4
Слыша державы твоея Российския нестроение и видя Христиан поношение, непрестанно молился еси, да спасет Царица Преблагая Русь православную, сего ради похвальными песньми воспеваем ти таковая: Радуйся, Пречистыя державный чтителю; радуйся, чести икон ея ревнителю. Радуйся, в молениих за народ свой предстателю; радуйся, его под державный покров Ея вручителю. Радуйся, за неверность чашу страданий испивый; радуйся, измену до конца простивый. Радуйся, молитвы кадило благовонное; радуйся, лампадо веры неугасимая. Радуйся, Николае, боговенчанный Царю и великий страстотерпче!
Кондак 5
Боготечная звезда россияном в разсеянии сущим явился еси, о имени твоем во едино их собирая и путь покаяния к Руси возрождению показуя, да возрадуются ангели о грешницех взывающе: Аллилуиа!
Икос 5
Видя, яко кротость и смирение во обращение не успевает, все упование на Мати Божию возложил еси и в руце Вседержителя всего себе предал еси, да и безумныя вразумит во еже пети тебе: Радуйся, буйствующия гордыни победителю; радуйся, венца смиренный носителю. Радуйся, немощных стено необоримая; радуйся, к людем своим любовь преизобильная. Радуйся, чудесами в России Богом превознесенный; радуйся, в разсеянии сущими прославленный. Радуйся, за Россию жертво усердная; радуйся, славяном сердце милосердное. Радуйся, Николае, боговенчанный Царю и великий страстотерпче!
Кондак 6
Проповедают концы вселенныя славу твою, во всю землю изыде вещание твое: несть тоя жертвы, юже не принесл бых за благо отечества моего, научая тем люди твоя покаянно пети Богу: Аллилуиа.
Икос 6
Возсиял еси паче солнца земле Российстей, святе Николае, предстательство людем твоим даже на голгофе твоей явивый, да вси ко Христу обратятся и благодарственно воспоют: Радуйся, свете, от востока изшедый; радуйся, тьмою запада не ослепленный. Радуйся, сияние правды неистощимое; радуйся, светило кротости незаходимое. Радуйся, грешников вразумление; радуйся, праведников прославление. Радуйся, слуго Божий самодержваный; радуйся, воистинну святый царю православный. Радуйся, Николае, боговенчанный Царю и великий страстотерпче!
Кондак 7
Хотяй веру православную на земли утвердити, подвигнул еси царство твое на заступление обидимыя страны сербския, да видя добрая дела твоя, прославят Отца Небеснаго вопиюще: Аллилуиа.
Икос 7
Новаго тя Ноя, строителя спасения народу российскому и сохранителя страны Сербския яви тя Господь, Николая, православным народом победы подателю, да вся подвиги твоя поминающе, присно вси купно воспеваем ти: Радйуся, Священнаго Писания исполнителю; радуйся, предания святых отец хранителю. Радуйся, дом души своея на камени Христе создавый; радуйся, дом Матере Божия любовия утвердивый. Радуйся, российскаго корабля ко спасению водителю; радуйся, славян в бедах надежный утешителю. Радуйся, христианских добродетелей носителю; радуйся, греховных страстей искоренителю. Радуйся, Николае, боговенчанный Царю и великий страстотерпче!
Кондак 8
Странное чудо видим на тебе, рабе Божий благий и верный, десницею Всевышняго многажды охраняемем, с царицею же и чады твоими мученическим венцем венчаемем, сего ради вниде в радость Господа твоего, мы же Промыслителю всяческих вопием: Аллилуиа.
Икос 8
Вси поем подвиг ваш крепкий, почитаем страдание, хвалим долготерпение, ублажаем кончину вашу. Воистинну, что добро или что красно, но еже жити, паче умрети, вкупе во Христе Иисусе за люди своя; Мы же, недостойная чада ваша, едиными усты и единым сердцем, славим и воспеваем имена ваша сице: Радуйся, царице Александро новая; радуйся, Алексие, наследниче небесный. Райдуйся, Ольго новая богомудрая; радуйся, Татиано милосердная. Райдуйся, Марие целомудренная; радуйся Анастасие, агнице святая. Радуйся, радужная седмерице, завете новаго царствия; радуйся, цветниче благоуханный, торжество православия. Радуйся, Николае, боговенчанный Царю и великий страстотерпче!
Кондак 9
Всяческими чудесы являше Господь благоволение Свое российским людем, дондеже преогорчиша Его до зела, но тобою, великомучениче царю, к покаянию призываеми и надежду прощения имамы да вопием Богу: Аллилуиа.
Икос 9
Ветии многовещании, яко рыбы безгласныя, не возмогут возрещи высоту твоего терпения, мы же глубину падения нашего созерцающе, в сокрушении духа восклицаем: Радуйся, мужество необоримое; радуйся, верносте непоколебимая. Радуйся, кающихся совершенное прощение; радуйся, упорствующих долготерпение. Радуйся, завет царствующего отца соблюдавый; радуйся, пред Царем царей обет сохранивый. Радуйся, Богу послушливый вельми; радуйся, нелицемерный в любви. Радуйся, Николае, боговенчанный Царю и великий страстотерпче!
Кондак 10
Спастися хотяй всем человеком, и в разум истины прийти, иже на крови мучеников своих Церковь Свою основавый, Христос положи тя, царю самодержавный, во основание новыя Храмины Российския, да сущии в Ней верно вопиют: Аллилуиа.
Икос 10
Стена еси всем к тебе с верою прибегающим и необоримое ограждение еси миру православному, отче чадолюбивый, научаяй вся верныя на помощь тя призывати сице: Радуйся, благодатию немощных врачевание; радуйся, оскудевающих добродетельми восполнение. Радуйся, плененных свободителю; радуйся, нищих защитителю. Радуйся, буйствующих трезвление; радуйся, от недуга винопития исцеление. Радуйся, новое Солнце Красное; радуйся, очистительная реко багряная. Радуйся, Николае, боговенчанный Царю и великий страстотерпче!
Кондак 11
Пение Пресвятей Троице даже до смерти принося, течение скончал еси и веру соблюл еси, еюже вся православныя христианы подвизаеши пети: Аллилуиа.
Икос 11
Светодателем послан быв земли нашей, яко агнец непорочный, полагаешися в жертву за грехи наша, да в покаянии узрим свет и вопием ти сице: Радуйся, образ жития и кончины святыя давый; радуйся, за грехи земли своя пострадавый. Радуйся, за врагов своих моливый; радуйся, мучителей своих простивый. Радуйся, в житии твоем миротворче; радуйся, на небесех христианом поборниче. Радуйся, скипетром духовно управивый; радуйся, порфирою духа украшенный. Радуйся, Николае, боговенчанный Царю и великий страстотерпче!
Кондак 12
Благодать от Бога дадеся тебе, Николае, молитися за ны о прощении за отступление наше от тебе, Помазанника Божия, и от наследия святых отцев, но с упованием крепким вопием: Аллилуиа.
Икос 12
Поюще страдания твоя, страстотерпче святый, покланяемся благодати Всесвятаго Духа, явльшейся на тебе, да вси согласно вопием: Радуйся, Помазанниче Божий, присный молитвенниче; радуйся, возлюбленное чадо Христово кротчайшее. Радуйся, царице праведною быти пособивый; радуйся, чада и слуги ко Христу приведый. Радуйся, народ твой во истине просветивый; радуйся, отечества чести не посрамивый. Радуйся, Духа Святаго верный стяжателю; радуйся, великия веры до конца показателю. Радуйся, Николае, боговенчанный Царю и великий страстотерпче!
Кондак 13
О священное главо, Помазанниче Божий, мучениче святый Николае, призри на царство твое земное и на люди твоя, и умоли Вседержителя, да не внидет в суд с нами, но да подаст нам: велие прощение, возстание от падения и царства православнаго воскресение, вопиющим непрестанно: Аллилуиа.
Сей кондак чтется трижды.
Икос 1
Ангелов Творец посла тя Земли Российстей, яко ангела незлобива, на вразумление народа твоего, тя бо избра по образу Сына Своего единороднаго в жертву искупления за грехи людския, мы же, дивящеся таковому о тебе помышлению Вседержителя, со умилением вопием ти: Радуйся, Христу уподобление; радуйся, жертво всесожжения. Радуйся, российских царей украшение; адуйся, страны своея утверждение. Радуйся, незлобия и всепрощения образе; радуйся, твердаго исповедания крепосте. Радуйся, обидимых неложное упование; радуйся, веры нерушимое основание. Радуйся, Николае, боговенчанный Царю и великий страстотерпче!
Кондак 1
Избранный от рождения страстотерпче и Христовой любве воплощение, воспеваем ти похвальная, яко паче всего Отечество свое возлюбившему; ты же, яко имеяй дерзновение ко Господу, просвети омраченные умы и сердца наша, да зовем ти: Радуйся, Николае, боговенчанный Царю и великий страстотерпче!
Молитва святому великомученику и страстотерпцу Царю Николаю.
О святый страстотерпче царю мучиниче Николае, Помазанника Своего тя Господь избра, во еже милостивно и право судити людем твоим, и хранителя царства православнаго быти. Царское служение сие и о душах попечение со страхом Божиим совершал еси. Испытуя же тя, яко злато в горниле, скорби горькия Господь ти попусти, якожн Иову многострадальному, последи же престола царскаго лишение и мученическую смерть посла ти. Вся сия кротко претерпевый, яко истинный раб Христов, наслаждаешися ныне вышния славы у престола всех Царя, купно со святыми мученики: святою царицею Александрою, святым царевичем Алексием, святыми царевнами Ольгою, Татианою, Мариею и Анастасиею и с верными слуго твоими. Но яко имея дерзновение велие ко Христу Царю, Его же ради и пострада, моли с ними да отпустит Господь грех народа, не возбранившаго убиение твое, Царя и Помазанника Божия, да избавит Господь страждущую страну Российскую от лютых безбожник, за грехи наша и отступление от бога попущенных, и возставит престол православных царей, нам же подаст грехов прощение и на всякую добродетельнаставит нас, да стяжим смирение, кротость и любовь, ихже сии мученицы явиша, да сподобимся небеснаго царствия, идеже купно с тобою и всеми святыми новомученники и исповедкики Российскими прославим Отца, и Сына, И святаго Духа, и ныне и присно и во веки веков. Аминь.
00:55 19.11.2009
Где ты, наш праведник? Мы согрешили перед тобой, отказались от веры в добро и любовь, пошли на поводу у лгунов от сатаны. С тех пор покинула нас благодать божия. Мы сами отдали царя и отечество на растерзание вандалам. Только через осознание нашего греха, через покаяние единственный путь наш.
Листая старую тетрадь Расстрелянного генерала, Я тщетно силился понять, Как ты смогла себя отдать На растерзание вандалам. О, генеральская тетрадь, Забытой правды возрожденье, Как тяжело тебя читать Обманутому поколенью. Россия! (из стихов Игоря Талькова )
